Kumête cahnîyêda seklawî bî. A zî  Deşta Herranî ra ardibî. Û  ê  aye zî çareyê ci beş ,linga ci ya verneyin a çepe bazinin  bî. No zî  nîşanê  esaleteya aye  bi. Nika  eke Biroyo  Kor ci  vernî  de nêvinderbîyayê aye   zî  bedenanê  berzan  ver ra  zey  mîriçik  a şayê  biperrayê. Aye  do bînê de  Koyê  Qerejdaxi  û  Deşta  Mardînî  ravêrnayê ú do  xo çekerdayê  Bini Xete. Vexto zî  lejkerê Kemalî  felek bîyayê zî do nêşayê aye tepiştayê. Çi heyf ke nika ci peynî de bi seyan a lejkerê Kemalî û ci vernî de zî Biroyo Kor vinderbi. Înan  lûlîyê tifinganê xo  açarnaybî  ro aye û Pîyoyi ser û qîrrayê. Vate 'Teslîm bibi xayin!'