Resûl hazretinün ashâbından Mekke şehrinde hîç kimesne kalmadı cemîi Resûl destûrı birle göçdiler Medîne şehrine vardılar.
Darîr
Çûn bunlar itdi ittifâk Cebrâil indi didi kim
Her kim sana kasd eylese cânına od başına hâk
Yazıcıoğlu
Hemân Cebrâîl aleyhi's-selâm geldi
'Yâ Muhammed Kureyş kavmi böyle tedbîr itdiler ki seni katl ideler imdi bu gice sen evvelki yatağında yatma.' diyü tenbîh eyledi.
Bâkî
Çûn Aliyyü'l-Murtazâ radıyallâhu anh Resûl-i Ekremün sallallâhu teâlâ aleyhi ve sellem yerinde yatdı Peygamber sallallâhu teâlâ aleyhi ve sellem hânesinden çıkup sûre-i Yâsîn-i şerîfi evvelinden 'Feağşeynâhum fehum lâ yubsirûn [Yâsîn 36/9]'a gelince okudı. Bir avuç toprak alup ol hâkisârlarun üzerlerine saçdı.
Altıparmak
Ol gencîne-i izz u temkîn ile yâr-ı gār-ı Sultân-ı dîn masdûka-ı 'iz hümâ fi'l-gār' [Tevbe 9/40] oldukda def'-i gezend-i a'dâ içün fi'l-hâl ser-çeşme-i inâyet-i Rabbânî imdâdıyle der-i gārda râ' dimekle ma'rûf bir dıraht-ı azîm-i bâlâ-keş oldı.
Veysî
Sallallâhu aleyhi ve sellem hazretleri sâlifü'z-zikr Kubâda dört gün kadar halkla meşgūl olup beşinci gün ale's-sabâh Medîne şehrine dâhil oldılar.
Eyüp Sabri