Antolojîyan wextê verênan ra heta ewro edebîyat de cayo muhîm girewto. Toy antolojîyî, tewîrê şîîrî de xulasayê edebîyatê dinyayî. Inohewa antolojîyan de bi seyan welatan ra bi seyan hetta bi hezaran şîîrî yew kitab de arê benî û wendoxî, zaf weletan ra raştê tewir-tewir huneran yenî. Toy antolojîyî zî tewirê şîîrî de xulasayê edebîyatê yew miletî yî. No antolojî, inohewa yew antolojî yo. Antolojî de 205 şaîr ra 308 şîîrî estî. Yanî antoloji de zaf nuştoxî ke heta ewro bi Zazakî şîir nuştî rê ca dayîyayo. No zî yew tesbîto muhîm o. Hînî wendoxê antolojîyî zanî ke heta inkey tewr toy 205 nuştoxî bi Zazakî şîîr nuştî. No zî semedê wendoxan yew motîwasyono pîl o. Yanî wendox veyneno ke edebîyatê Zazakî hînî bingeyê xo şidêneno û paweyê nuştoxanê neweyano. Heme wendoxî namzetê nuştoxîye yî û ê paweyê dawet û motîwasyonî yî.