Di warê akademîk de ji bo polînkirin û berawirdkirina çîrokan çend rêbazên sereke hene. Rêbaza Propp Îndeksa Tîpan a Aarne-Thompson û Îndeksa Motîfan a Stith Thompson ên herî navdar in. Ev her sê rêbaz 
di bin bandora hev de mane û heta em dikarin bibêjin li ser hev ava 
bûne. Jixwe çiqasî ji hev cuda bin jî armanca wan hema hema yek e. Lêkolîner jî çîrokên di destê xwe de li gorî armancên xwe li ser van rêbazan tetbiq dikin. Me jî bi rêya çîrokên Mîrze Mihemed rêbaza Thompson a motîfan li ser çîrokên Kurdî tetbîq kir. Ji bo ku em karibin aliyên hevpar ên çîrokên Kurdî digel çîrokên din ên dinyayê derxin holê me ev rêbaz bi kar anî. Herwiha xebateke wisa ji ber xwe ve dibe 
polînkirineke hêmanên çîrokan jî. Ji bo ku em karibin çîrokan li gorî vê rêbazê tetbiq bikin me pêşî hemû motîfên di çîrokan de yek bi yek tesbît kirin û ew motîf di îndeksa Thompson de bi cih kirin.