Vanê ke; rojêk yew seydar çend bowranan kişeno. Seydarê tu beno veyşan. Şino serê hênîyê Koyê Bîngolî. Bowrananê xo pirçikneno û semedê şitişî beno erzeno mîyanê awa hênîyî. Wexto ke bowran ginena awe ra bena gonî purtê aye vejîyeno û firrena. Perranê bowranî ra dalpayê awe rişyenî û her dalpa ra hênîyêko newe virazîyeno.
Seydar ecebê nê halî maneno. Bawer keno ke Awa Cuyayî (Heyatî) dîya. Şino dewe. Axayê dewe nêweş o. Xizmikarê Axayî yenî pêser. Axa nişnenê sere yew darûbestekî û benî serê Koyê Bîngolî. Seydarê tu çi bivîno gol û hênîyî bîyî bi hezaran. Geyreno hênîyê xo labelê nêvîneno.
O zî vano:
"Bîngol e hezar gol e
Ez çi zanim kîjan gol e".