Di vê cîhana global de mirov di nav jîyanê de ji her alîyî ve di nav danûstandineke de ye. Bi pêşveçûna teknolojîyê û nêzikbûna gelan a bi têkîlîyên sîyasî û ekonomîk ve êdî cîhaneke pîçûk û mînakên nêzî hev derdikeve pêşberî me. Ji ber vê sedemê jî em îro nikarin behsa resenî û tekanetîyê bikin. Nabe ku li cîhanê miletek hebe ku çavên xwe ji qewam û rûdanan re girtibe û bêyî bandor û têkîlî bi resenîya xwe ve mabe. Ji destpêka mirovahîyê heta îro mirovan di gelek warên cuda yên weke çand huner zanist hwd. çi afirandibe ji yên derdora xwe tesîr girtine û mînakên ku ji hev girtine pêşve birine dewlemend kirine û ji nû ve afirandine.