Na xebate de 40 sanikë ke Çewligî ra arêdîyayê, qismê Metnî de cayê xo girewtê. Nê metnî goreyê tewîranê/çeşîdanê xo sey 4 qismî û her yew qismê înan bi numreyan ameyî rêzkerdiş. Mabeynê numreyanê 1-51 de sanikê heywnanan/fablî; mabeyne 6-351 de sanikē eslî/şarî, mabeynê 36-39î de sanikê mîzahî (fiqrayî) estî û metno peyên, 40î de yew nîmûneya sanikanê rêzilkîyan/zincîrinan esta. Bê nê qisman, kitab de qismê Destpêkî de derheqê sanikanê Çewlîgî de tayê melumatî ameyê dayîş û sewbîna çend xususiye- tanê sanikan ra behs bîyo. Qismê Derheqê Çimeyanê Şexsan de Melumatî de çimeyê nê sanikan, yanî 19 sanikkerî goreyê name- yanê xo bi hewayo rêza alfabetîk rêz bîyê. Her yewe/a înan kamcin sanike vata, numreyê a sanike/ê sanikan kîşta nameyê aye/ey de ameyî nuştene.

No kitab, eslê ci de yew teşebuso ke amancê ey arêdayîş û nusî- yayîşê sanikanê Çewlîgî yo ke ê parçeyêkê dewlemendîya sanikanê kurdkî teşkîl kenê û bi no hewa qismen bo zî vernî ro vîndîbîyayîşê pêserîya tradisyonê fekkî ya mintiqa bêro girewtene.