Pencere, yek ji romanên Îlhamî Sîdar e ku bi Kurdî derketiye. Ev roman bi babeta xwe ve jîyana şa'ira naskirî ya Furûx Ferûxzadê, di pencereya derûnî ya şa'irê bi xwe de nîşan dide. Zemanê romanê jîyana Furûxê ya di wê serdema eyan a Îranê ye. Her wisa bi vegotina nivîskar meriv ji civaka wê heyamê ya ku li ser ruhê Furûxê tesîr kiriye jî agahdar dike

Di gel wê, şa'irbûna Furûxê di nava cîhana Kurdî de bo xwendevanan vedigêre. Lê belê ji vana girîngtir ew e ku derûnîya şa'irê bi xwe û hebûna wê ya ruhî û hunerî xaleke berbiçav e di romanê de. Ew kêş û vekêşa ruhî ya ku li ser afirînerîya wê bi xwe tesîrdar e û şi'ra wê bi xwe di çi heyamên teng re dibihure, ew dibe mijara romanê. Ji ber wê hindê zimanê romanê di rehendên helbestî de jî digere.