Serra '38, asma amnonia peyêna. Dêsım de rozê terteleyiye. Hire domani qırkerdis ra, Derê Zuğuri ra dırvetın xeleşinê. Pila xo Yemose çeneka new serri ya. Bırayê xo ve çena api ra aye ra qıjiye. Remêne, xo erzêne bırr, wertê gême. Pilu ra kês çino lewe de. Teyna rê, dırvetiniye. Kenê ke, xo cayê rasnê, şiya mordême de dırvetia xo bıpisê, bextê ju de canê xo bı xelêsne. Bê bivine ke rayi olaği guretêye. Her ca eskero, miliso, mızewreyiye. Domani dewa xora düri, cao xam derê. Raa xo nêvezêne. Bırr ra bêçarê, vêsan u têsan mesur manêne. Teyna ju sarê xo, serva xeleşiyaene, can kenê xo feka. Peniye de i domanu rê se beno, çı yeno sarê ine serde? Bıwanê!
Xo ver estêne u tenga i hirê domanu de, raştiye de hêkata Dêsımi yena rê zon. Na romanê, heştauphonc serri ra dımê, hawara i domanu ana ma gosde. Zonê inu de, lorıka inuna.
Tertelê Dêrsımi sero, na serrunê peyenu de, eve gıraniye zonê Tırki ra xeyle kıtavi vejiyay. Hetê raştiye doz kerdêne rê têde ki muhimiye. Hama bêsıko ke, ajiya qomi, tenga i rozu, eve çarnaena Tırki ra jede, eve zonê qomi, eve veng u roê qomi, eve zonê kırmancki ra ke ame vatêne, u waxt hona rınd sona resêna hurendi. Nustoğ Şahin Çiçek, na karo çetın uzm de eve hewliye amo. Romana xo de, çımê çeneka new serrêne ra, Dêrsımê u waxti her heti ra ano saneno vera çımunê ma.
Dr. Tahir KARAKAŞ
Sıftê nayê vajine ke; çond serriyo mı romana tarıxiya niyanena hewle nêwend vi. Çı tawo ke teşirê na romanê ra nêvejine. Zon ardena nustoği hêni ke qewetına isoni bena i rozu, bena uca. Vıreniye ra hata peniye eve edebiyatê berji nuşiya. Rozê ke filme terteley bêro vırastêne, na romanê cı rê bena senaryoye de zof hewl. Xojibê to bo bıra Şahin Çiçek. Emeg u qeyretê to çıqa biyari zon ki oncia nêmecet maneno.
Mikail ASLAN
Mı 38 serê zof hêkati gos day. Hama na romanê ez kerdune têser u têbın ra. Yemose ra dımê saêke dina u darê biya cemed nişta serê zerya mı ra. Se kenê bıkêre, na kıtavi muhaqaq bıwanê. Hama ravêr kemera de qeyime bıvine, serê zerya xo sanê hêni bıwanê.
Yılmazcan ŞARE
Lorıka Domanu, edebiyatê Kırmanciye de imama serê tezvıkana. Wendoğa rê belaê serey, xençeriya zerrana.
Cemal TAŞ