Lêkolîna me di derheqê berxwedaneke eşîrên Kurdên Êzdî ya mîrgeha Xalta de ye. Di wextê da mîrgeha Xalta di nav Kurdistanê da mîrgeheke Êzdiyan ya mezin û bi hêz bûye.
            Xaltî federasyoneke eşîrên Êzdîyan ne; heta niha jî eşîrên Qizilî Niqîbî Xendeqî Berekî Anqosî û hinekên din xwe wek Xaltî binav dikin.    
          Dema ez zarok bûm rûspiyên gundê me di odeya me da diciviyan çîrok digotin li ser gelek babetan diaxivîn digotin qebîla me ya Bela jî Xaltî ne. Navê çend qebîleyên din jî didan ku di nav Êzdîyên Ermenistanê da hebûn (navê wan bîra min da nemane). Niha Xaltî wisa jî li der-dorê Wêranşeherê li Şengalê û li Şêxan jî hene.
            Ezdiyên Xaltî dibêjin ku peyva Xaltî navê eşîrê yan qebîlê nîne; Xaltî navê war e cî ye. Eger navê war e wisa ne navê herêma wan welatê wan Xalta bûye. Lê li ku ye ew welat yan herêma bi navê Xaltî?

Di vê pirtûkê de

    1.     Berxwedana êla  Xalta  Mîrzikê Zaza
    2. Mîrzikê Zaza
    3. Komkujiya Dela
    4. Ridiwan
    5. Şerê Erenza Şêxan4
    6. Nameya Mîrzikê Zaza ji Serleşkerê Rûs ra
    7. Kuştina  Mîrzikê  Zaza  û Dawiya Mîrgeha Xalta