Nameya Abdulla Peşêw bo Jan Dost:
Birayê zêde hêja û xoşewîst kak Jan Dost, silav: her wê roja ku romana te ya bi nirx Mîrname gihişte destê min, min dest bi xwendina wê kir. Ez ji te venașêrim, berî ku dest bi xwendinê bikim ez bi guman bûm ku kesek, çi kes be, nikare di nivîsîna babetekî wiha dijwar de bi ser bikeve. Bi taybetî roman di serdemekê de diqewime ku ji her aliyan ve ji serdema me dûr e. Ji cil û bergan de bigire heta bigihê awa û etîkên xwarinê. Karekî gelekî zor e ku nivîskarek, çiqas xeyala wî xurt û fireh be, bikaribe atmosfera wê serdemê zindî bike, lê te ev yek kir. Li gel meșxûliya min a zêde û bêderfetiya min, piștî xwendina çend rûpelan min nikaribû dest ji romanê berdim. Ez bi xêra te, sê rojan li ber nefesa Xaniyê pîroz jiyam. Bi xwendinê re car caran hêsir bi çavên min diketin.
Bira û hevalê te, Abdulla Peşêw.